మూడు రాజధానుల చట్టాలను ఎట్టకేలకు ఏపీ ప్రభుత్వం ఉపసంహరించుకుంది. రాజధాని కేసుల విచారణ కోసం ఏర్పాటు చేసిన హైకోర్టు త్రిసభ్య ధర్మాసనానికి ఏపీ అడ్వకేట్‌ జనరల్‌ సోమవారం ఈ విషయాన్ని తెలియజేశారు.

ఏజీ ప్రతిపాదనను విన్న ధర్మాసనం తదుపరి విచారణను మధ్యాహ్నం 2:15కి వాయిదా వేసింది. వికేంద్రీకరణ, సీఆర్డీఏ రద్దు నిర్ణయాల్ని ఏపీ కేబినెట్‌ వెనక్కి తీసుకుంది. సీఎం జగన్ కాసేపట్లో అసెంబ్లీలో మూడు రాజధానుల నిర్ణయం గురించి ప్రకటన చేయనున్నారు.

ముఖ్యమంత్రి పిలుపుతో నిర్వహించిన జనాగ్రహదీక్షల్లో జగన్‌పై ఉన్నజనాగ్రహం బట్టబయలైందని టీడీపీ నేత జీవీ ఆంజనేయులు అన్నారు. పట్టుమని 20 నియోజకవర్గాల్లో కూడా వైసీపీ జనాగ్రహ దీక్షలు జరగలేదన్నారు. చంద్రబాబు దీక్షను తప్పుపడుతున్న తాడేపల్లి పాలేరు సజ్జల సీఎం పదవి కోసం గోతికాడనక్కలా ఎదురుచూస్తున్నారని విమర్శించారు. ముఖ్యమంత్రి డ్రగ్స్‌లో మునిగితేలుతూ, పబ్జీలు ఆడుకుంటుంటే సజ్జల షాడోసీఎంలా పెత్తనంచలాయిస్తున్నారని అన్నారు. అవినీతి కేసుల్లో జగన్మోహన్ రెడ్డి ఎప్పుడు జైలుకుపోతాడా.. ఎప్పుడు సీఎం కుర్చీ దక్కుతుందా అని నక్కినక్కి చూస్తున్నారని వ్యాఖ్యానించారు.

ఎపి ప్రభుత్వంపై మెగాస్టార్ చిరంజీవి ప్రశంసలు జల్లు కురిపించారు. రాష్ట్రంలో రికార్డు స్థాయిలో వ్యాక్సినేషన్‌ చేపట్టడం జగన్ సర్కారు పనితనానికి నిదర్శనమని కొనియాడారు. కోవిడ్‌ మహమ్మారి కట్టడి కోసం ఏపీ వైద్య ఆరోగ్య శాఖ చేస్తున్న ప్రయత్నం బాగుందని, ఒక్కరోజులో 13.72 లక్షల మందికి వ్యాక్సిన్‌ వేయించడం అభినందనీయమని చిరంజీవి ప్రశంసించారు.

అమరావతి; వరుసగా రెండో ఏడాది వైఎస్సార్‌ చేయూతను రేపు మంగళవారం క్యాంప్‌ కార్యాలయంలో కంప్యూటర్‌ బటన్‌ నొక్కి నేరుగా అక్కచెల్లెమ్మల ఖాతాల్లో నగదును ఎపి సీఎం వైఎస్‌ జగన్‌ జమచేయనున్నారు. అక్కచెల్లెమ్మల ఆర్ధిక స్వావలంబన, సాధికారత లక్ష్యాలుగా వారి జీవితాల్లో వెలుగులు నింపడానికి వైఎస్‌ జగన్‌ ప్రభుత్వం అందిస్తున్న కానుక వైఎస్సార్‌ చేయూత. పేద అక్కచెల్లెమ్మలకు నాలుగేళ్ళలో దాదాపు రూ. 19,000 కోట్ల సాయం అందించే కార్యక్రమంలో భాగంగా వరసగా రెండో ఏడాది 23,14,342 మంది అక్కచెల్లెమ్మలకు రూ. 4,339.39 కోట్ల ఆర్ధిక సాయాన్ని నేరుగా లబ్దిదారుల ఖాతాల్లో జమచేయనున్నారు